012931

AZAL-Miles proqramında yeniliklər

15 Noyabr 2018

15 noyabr 2018-ci il tarixindən loyallıq proqramımızda qüvvəyə minəcək bir sıra dəyişiklikləri nəzərinizə çatdırırıq.

  • Böyük məmnuniyyətlə çoxdan gözlənilən Ailə Hesabının (Family Account) yaradılması imkanını Sizə elan edirik.Hal-hazırda, AZAL-Miles proqramının dəyərli iştirakçıları və onların “Ailə Hesabında” qeydiyyatdan keçmiş ailə üzvləri səyahət ballarını birgə toplaya və topladıqları balları mükafatlandırmalara istifadə edə bilərlər.
  • Daha əlverişli şərtlərin seçilməsi məqsədilə, AZAL-Miles proqramı Classic, Gold və Platinum kart statuslarından ibarət olacaq. Bütün Silver statuslu iştirakçılar avtomatik olaraq AZAL-Miles Gold statusuna yüksəldiləcəklər.
  • Artıq Gold kart sahibi olmaq daha asandır! Bunun üçün cəmi 8000 status balı toplamalısınız, statusun qorunub saxlanması üçün isə hesabınızda 5000 status balının olması kifayətdir.
  • Gold və Platinum kart iştirakçıları üçün hesaba əlavə edilmiş səyahət ballarının etibarlılıq müddəti əvvəlki kimi qalır və 36 ay müddətində etibarlıdır. Classic statuslu iştirakçılar isə, kart statuslarını aktiv saxlamaq üçün 24 ay ərzində ən az bir uçuş həyata keçirməli olacaqlar.
  • Mükafatlandırıcı aviabiletlərin istifadə cədvəlində bir sıra dəyişikliklər edilmişdir. Qeyd olunan linkə daxil olaraq yenilənmiş mükafatlandırma cədvəli barədə ətraflı məlumat əldə edə bilərsiniz: https://www.azal.az/az/azal-miles/spend-points
  • Biz iştirakçılara uçuşdan sonra şəxsi hesabları vasitəsilə ballarını bərpa etmə imkanını təqdim edirik.

Əlavə məlumat əldə etmək üçün azalmiles@azal.az elektron poçt ünvanı və ya azal.az rəsmi internet səhifəsində sorğu forması vasitəsilə əlaqə saxlaya bilərsiniz.

Səfərlərinizi “Azərbaycan Hava Yolları” ilə planlaşdırın və AZAL-Miles/SW Miles proqramı ilə əlavə ballar qazanın! Sizi hər zaman göyərtəmizdə görməyimizə şad olarıq!